ონლაინ შეძენილი პროდუქციის დაბრუნება/გადაცვლა
ონლაინ შეძენილი პროდუქციის დაბრუნება შესაძლებელია პროდუქტის მიღებიდან მომდევნო დღეს. მომხმარებელმა პროდუქტი პირადად უნდა დააბრუნოს ფილიალში და თან უნდა ჰქონდეს პირადობის დამადასტურებელი საბუთი.
თბილისი: ონლაინ შეძენილი პროდუქციის გადაცვლა ხდება მისი მიღებიდან 3 დღის განმავლობაში (მიღების დღის ჩათვლით).
რეგიონი: რეგიონებში მყოფი მომხმარებლებისთვის, ონლაინ შეძენილი პროდუქციის დაბრუნება ან გადაცვლის შემთხვევაში მომხმარებელმა უნდა შეგვატყობინოს აღნიშნულთან დაკავშირებით პროდუქტის მიღებიდან იმავე დღეს, ხოლო გამოგზავნა უნდა უზრუნველყოს მეორე სამუშაო დღეს.
პროდუქცია უნდა გაიგზავნოს მხოლოდ ჩვენი ფილიალის მისამართზე: ქ. თბილისი, ალ. ყაზბეგის გამზირი #24. დაბრუნებას უზრუნველყოფს მომხმარებელი, ნებისმიერი საკურიერო კომპანიის საშუალებით. თუ დაბრუნებული პროდუქცია არ აკმაყოფილებს სარეალიზაციო სახეს, მაღაზიას აქვს უფლება უარი თქვას დაბრუნებასა ან გადაცვლაზე.
ფილიალში შეძენილი პროდუქციის დაბრუნება/გადაცვლა:
დაბრუნება შესაძლებელია შეძენის დღეს, ხოლო გადაცვლა – შეძენიდან 3 დღის განმავლობაში (შეძენის დღის ჩათვლით).
დაბრუნება ან გადაცვლა უნდა განხორციელდეს მომხმარებლის მიერ პირადად ფილიალში ვიზიტით, თან უნდა ჰქონდეს პირადობის დამადასტურებელი საბუთი და გადახდის ქვითარი (სალაროს ჩეკი). პროდუქცია უნდა იყოს იდეალურ, სარეალიზაციო მდგომარეობაში, და ქარხნული იარლიყი (არსებობის შემთხვევაში) არ უნდა იყოს დაზიანებული ან მოხსნილი. პროდუქციას არ უნდა ჰქონდეს პირადი ჰიგიენის გამოყენების ნივთების სუნი და მასზე არ უნდა იყოს გამოყენებული კოსმეტიკური ან პარფიუმერული საშუალებები. პროდუქტის დაბრუნების შემთხვევაში თანხა დაბრუნდება 3-დან 7 სამუშაო დღეში.
მნიშვნელოვანი ინფორმაცია:
მომხმარებელმა უნდა შეამოწმოს პროდუქცია მიღებისას. თუ აღმოაჩენს ქარხნულ წუნს ან დაზიანებას, აუცილებელია შეგვატყობინოს დაუყოვნებლივ, იმავე დღეს. ფასდაკლებული პროდუქცია დაბრუნებას არ ექვემდებარება, თუმცა შესაძლებელია იმავე ან სხვა მოდელში გადაცვლა. თუ ფასდაკლებული პროდუქციის გადაცვლა ვერ განხორციელდა ზომის არქონის გამო, მომხმარებელს შეუძლია აირჩიოს ნებისმიერი სხვა მოდელი, რომლის ღირებულება იგივე ან უფრო მაღალია.
ვარჯიშის დროს გამოყენებული პროდუქცია არ ექვემდებარება გადაცვლასა და დაბრუნებას.
საცვლების დაბრუნება ან გადაცვლა შეუძლებელია. პროდუქციის გადაცვლის შემთხვევაში, მომხმარებელმა უნდა დააბრუნოს საწყისი ნივთი.